SARILI

Kailan ka kaya matututo

na huwag agad ibigay ang puso ng buo

Ang taong ginagawa mong mundo

totoo nga bang may pakialam sa’yo?

Sabi ko naman sa’yo, hinay hinay lang

marupok mong puso’y isaalang-alang

Ngayon nasasaktan ka, lumuluha

Sino nga bang may kasalanan, ikaw ‘di ba?

Hindi ka pa ba napapagod ibigay ang lahat

Masaktan ng paulit-ulit, hindi pa ba sapat?

Ayos lang maging tanga, pero hindi dapat lagi

Lagi mong isipin na lahat ng sobra ay mali

Oo, alam ko, alam kong masarap ang magmahal

pero huwag naman sa taong hindi ka mahal

Taong alam mong pwede kang saktan

taong alam mong hindi ka naman kayang ipaglaban

Tama na, mahalin mo naman ang sarili mo

Piliin mo naman na sumaya kahit papaano

Hindi naman siguro masama na sarili’y unahin

Pansamantalang puso’y pagpahingahin