WALA NA

Dumating kang gaya ng araw sa umaga

Maliwanag, puno ng pag-asa at sigla

Nagsilbi kang kulay sa kupas kong buhay pag-ibig

At nagbigay ng kabog maging sa aking dibdib

Masarap pala

Masarap pala talaga

Masarap pala talaga na muling umibig

Pagkatapos ng mga sakit

Na naranasan sa dating pag-ibig na pilit

Napakasarap dahil tayong dalawa ay napuno ng magagandang pangako

Mga pangakong kay tamis pakinggan

Tayong dalawa ay bumuo ng mga pangarap

Mga pangarap na mas mataas pa sa alapaap

Oo sabay tayong bumuo ng mga ito

Ngunit sa isang iglap lahat ng ‘yon ay naglaho

Naglaho na parang bula

Ng bigla ka na lang ding nawala

Masakit dahil ang dami mong mga pangako

Sobrang sakit dahil akala ko lahat ng iyon ay totoo

Masakit dahil akala ko

Akala ko

Lahat ng ‘yon ay tutuparin mo

Sabi mo hindi mo ako iiwan

Sabi mo mananatili ka laging nandyan

Sabi mo hindi mo ako sasaktan

Sabi mo hindi ka mawawala

Sabi mo lang pala

At hindi mo nagawa 

Patuloy kong hiniling sa Dios

na sana nandito ka parin

Na sana tayo'y masaya parin

Na sana ako'y masaya parin

Na sana.. may ikaw at ako pa rin

Ngunit ang mga sana ay napalitan ng paano kung

Paano kung hindi ka dumating sa buhay ko

Paano kung hindi mo ginulo ang puso kong matagal na ring magulo

Paano kung... paano kung... una pa lang hindi na tayo nagtagpo

Ngunit wala na

Wala ng saysay ang bawat sana at paano kung

Dahil tapos na

Dahil nasaktan na ko ng sobra sobra

Na kahit ubusin ko man ang lahat ng aking panahon sa mga tanong kong wala rin naming sagot

Wala na

Wala ng pag-asa para maibalik ang dating tayo

Wala ng pag-asa dahil lumisan ka na

Kaya paalam na

Sana masaya ka

photo credit: https://www.flickr.com/photos/tease2010/5912785205