HAYAAN MO

Nagsimula sa pagiging magkaibigan

Lumalim at nagkagustuhan

Alam na mali ngunit patuloy na ginagawa

Hindi dahil tama, kundi dahil parehong masaya

Gustong lumisan nang tuluyan ngunit nahihirapan

Dahil sa bawat ayaw, laging may rason upang hindi makabitaw

Pinipilit na humakbang ng patalikod, kahit unti-unti, kahit paisa-isa, kahit hindi biglaan, ngunit hindi pa rin mapigilan

Dahil sa bawat ngiti, sa bawat lambing, ang isang hakbang patalikod ay nagiging dalawang hakbang patungong unahan

Laging iniisip, kailan kaya tayo matatapos

Kailan kaya ako matatapos?

Kailan kaya ako makakawala sa ganitong pagkakagapos

Pagkagapos sa mga salitang sana at paano kung

Sa sana tayo na lang, sa paano kung tayo na lang

Hindi totoo na kapag mahal mo ayos lang kung hindi ka mahal

Dahil aminin mo man o hindi, iba ang pakiramdam kapag ikaw din ay minamahal

Kahit papano ay umaasa ka na mahalin ka rin, na piliin ka rin

Pero tandaan na kung ang tao ay para sa’yo, para sa’yo

Huwag mong pilitin ang bagay na hindi naman nakalaan para sa’yo dahil sa dulo ikaw rin lang ang talo

Hayaan mong dumating ang tao na handa kang ipaglaban

Hayaan mong dumating yung panahon na hindi mo na kailangang masaktan para makamit yung pagmamahal na lagi mong inaasam

photo credit: pinterest